د ارزاقو امارتي شرکت اداري غونډه ترسره شوه؛
د ارزاقو امارتي شرکت د فعالیتونو د لا ښه والي، خدمتونو ته آسان لاسرسی او خلکو ته د اغېزمنو چوپړتیاوو د وړاندې کولو په موخه اداري غونډه ترسره شوه. یاده غونډه د شرکت د اجرائیوي رییس ښاغلي مولوي عبدالرازق رفیع تر مشرۍ لاندې جوړه شوه.
په غونډه کې د شرکت د مالي او اداري چارو رییس مولوي مطیعالله مجروح، د سوداګریزو چارو رییس محمد امین صاحبزاده، د بېلابېلو برخو آمرینو او مدیرانو ګډون کړی وو.
غونډه د سپېڅلي قرآن کریم د څو مبارکو آیتونو په تلاوت سره پیل شوه. وروسته د سوداګریزو چارو، د پروژو د تطبیق، املاکو او د کارکوونکو د چارو آمرینو او مدیرانو په خپلو برخو کې راپورونه، نظرونه او وړاندیزونه وړاندې کړل.
د ارزاقو امارتي شرکت اجرائیوي رییس ښاغلي مولوي عبدالرازق رفیع د شرکت د چارو د پرمختګ او لاسته راوړنو په اړه خبرې وکړې. نوموړي ټینګار وکړ، چې د چارو چټکتیا او بریالیتوب یوازې د صداقت، رښتینولۍ او ژمنتیا له لارې شونې دی. هغه د شرکت له ټولو کارکوونکو وغوښتل، چې خپلې دندې د هېوادوالو د هوساینې او سوکالۍ لپاره په رښتنولي او صداقت سره ترسره کړي.
ښاغلي رفیع زیاته کړه، چې د ورورګلوۍ او همکارۍ فضا باید پیاوړې وساتل شي، ترڅو د چارو د پرمختګ پر وړاندې هېڅ ډول خنډ یا ځنډ رامنځته نه شي او د خلکو ستونزو ته پر وخت ځواب وویل شي.
د غونډې په پای کې؛ یو شمېر وړاندیزونه او غوښتنې ومنل شوې او پر نورو موضوعګانو هم لازمې پرېکړې وشوې.
