د بدخشان پوهنتون ته اته قلمه خوراکي توکي ولېږدول شول
د بدخشان ولایت د ارزاقو امارتي شرکت مسوولین وایي، چې اته قلمه خوراکي توکي د کندز ولایت د ارزاقو شرکت له ګدامونو څخه بار او د بدخشان ولایت پوهنتون ته انتقال شول. دوی زیاتوي، چې یاد خوراکي توکي د ۱۴۰۴ مالي کال د لومړۍ ربعې د پوهنتون د لیلیې د اړتیاوو د پوره کولو لپاره لېږدول شوي دي.
د دوی په وینا؛ په یادو خوراکي توکو کې ۱۹۰۰۰ کیلوګرامه وریجې، ۲۳۰۰ کیلوګرامه بوره، ۲۸ کیلوګرامه زیره، ۱۲۲۵ کیلوګرامه د خواړو مالګه، ۳ کیلوګرامه د چای هل، ۴۰ کیلوګرامه د دیګ مصاله، ۱۹ کیلوګرامه زردچوبه او ۱۲۹ کیلوګرامه شین چای شامل دي.
د شرکت مسوولین زیاتوي، چې دغه توکي د بدخشان پوهنتون د پلاوي تر څار لاندې د دې ولایت دارزاقو لوی مدیریت له خوا اړوند مسوول ته وسپارل شول.
