د ارزګان پوهنتون استادانو ته ۲۵ قلمه خوراکي توکي ولېږدول شول
د ارزګان ولایت د ارزاقو مدیر اخترمحمد شېرزی خبر ورکوي، چې د غويي میاشتې په درېیمه نېټه، ۲۵ قلمه اړین خوراکي توکي د یاد ولایت د پوهنتون استادانو ته لېږدولي دي. د نوموړي په وینا؛ یاد توکي د ټاکلي پلاوي په شتون کې اړوند مسوول ته وسپارل شول.
شېرزي زیاته کړه، چې په دې توکو کې وریجې، مایع غوړي، لوبیا، خام نخود، مالګه، بوره، شین چای، سبزي، میوه او نور لومړني خوراکي مواد شامل دي.
د یادونې وړ ده، چې د ارزاقو امارتي شرکت له لوري د خوراکي توکو د لېږد او وېش بهیر د هېواد په کچه د ولایتي مدیرانو له خوا په دوامداره توګه څارل او ارزول کېږي.
