د ارزاقو امارتي شرکت د سوداګرۍ سلاکار بست لپاره مرکه یی آزموینه واخیستل شوه
څه موده وړاندې د ارزاقو امارتي شرکت د سوداګرۍ سلاکار د خالي بست د ډکولو په موخه د آزادې سیالۍ له لارې تحریري آزموینه واخیستل شوه، چې د آزموینې د کتونکو پلاوي له لوري ځواب پاڼې و ارزول شوې.
د ارزونې وروسته د لوړو نمرو اخیستونکي کسان دویم پړاو آزموینې ته راوبلل شول او نن ورځ ور څخه مرکه يي (تقریري) آزموینه واخیستل شوه.
یاده آزموینه د شرکت د مالي او اداري چارو او سوداګریزو چارو د پراختیا د رییسانو، د آزموینې کمېټې غړو او د امارتي شرکتونو لوی ریاست د استازي په شتون کې د شرکت د غونډو په تالار کې ترسره شوه.
د ارزاقو امارتي شرکت د کارکوونکو چارو سرپرست آمر ښادي ګل صاحبزاده وویل، چې دې بست ته په لومړي پړاو کې ټولټال ۲۸ کسانو ګډون کړی و او د ځواب پاڼو له ارزونې وروسته ۱۶ کسان دویم پړاو ته بریالي او ورڅخه مرکه يي آزموینه واخیستل شوه.
د نوموړي په وینا، د مرکه يي آزموینې له بشپړېدو وروسته به هغه کس پر دنده وګمارل شي، چې تر ټولو لوړې نمرې ترلاسه کړي.
د یادونې وړ ده، چې ارزاقو امارتي شرکت تل هڅه کوي، ترڅو د آزادې سیالۍ، رڼو او شفافو آزموینو له لارې مسلکي او وړ کسان په یاد شرکت کې پر دندو وګماري.
