د غزني ولایت د ارزاقو مدیریت د کارکوونکو کړنې وارزول شوې
د غزني ولایت د ارزاقو لوی مدیر قاري عبدالباسط ابوطارق وایي، چې د دې مدیریت د کارکوونکو کړنې د اداري اصلاحاتو او ملکي خدمتونو ادارې لخوا وڅارل او وارزول شوې.
نوموړي زیاتوي، دغه څارنه او ارزونه د رییس الوزرا د هدایت پر اساس په ټولو ملکي ادارو کې پیل شوې، چې له ډلې یې د غزني ارزاقو مدیریت هم شامل ؤ.
ده وویل، چې د څارنې او ارزونې په جریان کې د یاد مدیریت د درې تنه کارکوونکو کاري پلانونه، کلني راپورونه او نور اړوند اداري اسناد د مستقیمو آمرینو او د ولایتي کمېټې په شتون کې وارزول شول.
قاري ابوطارق څرګنده کړه، چې په دې کمېټه کې د اداري اصلاحاتو او ملکي خدمتونو، د ولایت مقام استازو او د اړوندې ادارې مستقیم آمرین شامل وو، چې د یاد مدیریت د کارکوونکو کړنې وارزولې.
نوموړي ډاډ ورکړ، چې د څارنې او ارزونې پایلې له ورایه مثبتې وې او ټاکل شوې ده ،چې د کمېټې له غور او بررسۍ وروسته به په ډاګه شي.
