د میدان وردګو ولایت د معتادینو د درملنې روغتون ته ۹ قلمه خوراکي توکي ولېږدول شول
د میدان وردګو ولایت د ارزاقو مدیریت لهخوا د دغه ولایت د معتادینو د درملنې ۴۰ بستریز روغتون ته نهه قلمه اړین خوراکي توکي واستول شول.
د یاد ولایت د ارزاقو لوی مدیر سید شمسالدین اکبر وایي، چې دغه توکي د تېرې اونۍ په وروستیو کې لېږدول شوي دي، چې په کې ۱۳۳ کیلوګرامه وریجې، ۸۴ کیلوګرامه مایع غوړي،۶۰ کیلوګرامه لوبیا، ۲۴ کیلوګرامه رُب، ۳۴ کیلوګرامه میده بوره،۵۴۰ دانې د چرګانو هګۍ، ۲۱ کیلو ګرامه وچې شیدې، ۷ کیلوګرامه شین چای او ۱۴ کیلو ګرامه مالګه شامل دي.
اکبر زیاته کړه، چې یاد خوراکي توکي د غويي (ثور) میاشتې د اړتیاوو له مخې برابر شوي او د عامې روغتیا ریاست د درې کسیزه پلاوي په شتون کې د روغتون مسوولینو ته وسپارل شول.
نوموړي همداراز څرګنده کړه، چې په میدان وردګو ولایت کې د ارزاقو امارتي شرکت پروژې په منظم ډول تطبیقېږي او د ولایتي مدیریت له خوا یې په دوامداره توګه څارنه او ارزونه ترسره کېږي.
