د میدان وردګو پوهنتون لیلیې ته ۱۴ قلمه خوراکي توکي ولېږدول شول
د میدان وردګو ولایت د ارزاقو مدیر سید شمس الدین اکبر وویل، چې وړمه ورځ یې د پوهنتون لیلیې ته ۱۴ قلمه خوراکي توکي لېږدولي دي.
د نوموړي په وینا؛ په دغو خوراکي توکو کې ۳۷۲ کیلوګرامه وریجې، ۴۱ کیلوګرامه نباتي غوړي، ۵۶ کیلوګرامه لوبیا، ۶.۵کیلوګرامه نخود، ۲۹.۸ کیلوګرامه مالګه، ۴۶.۵ کیلوګرامه بوره، ۲.۷ کیلوګرامه شین چای، ۰.۱۴۹ کیلوګرامه د چای هیل، ۰.۹۳۱ کیلوګرامه د قورمې مساله، ۱.۸ کیلوګرامه د دیګ رنګ شیرین، ۰.۵۵۸ کیلوګرامه زیره، ۰.۵۵۸ کیلوګرامه څلور مساله، ۰.۳۷۲ کیلوګرامه کورکمن او ۱۸ کیلوګرامه رُب شامل دي.
اکبر زیاته کړه، چې یاد توکي د مرکز له ګدامونو څخه بار او وروسته میدان ورګو ولایت د ارزاقو مدیریت له لوري د دې ولایت پوهنتون ته ولېږدول شول.
نوموړي همداراز وویل، چې یاد توکي د کتنې پلاوي په شتون کې د پوهنتون لیلیې اړوند مسوول ته وسپارل شول.
د یادونې وړ ده، چې د امارتي شرکتونو لوی ریاست اړوند د ارزاقو امارتي شرکت د خدمتونو لړۍ د هېواد په ټولو ولایتونو کې روانه او د دې بهیر څارنه او ارزونه د ولایتي مدیرانو له لوري ترسره کېږي.
