د میدان ورګو ولایت د ارزاقو مدیریت له لوري ۹ قلمه خوراکي توکي د معتادینو ۴۰ بستریز روغتون ته ولېږدول شول
د ارزاقو امارتي شرکت د بنسټیزو فعالیتونو او سوداګریز پلان له مخې؛ ۹ قلمه اړین خوراکي توکي د میدان وردګو ولایت د ارزاقو مدیریت له لوري د معتادینو ۴۰ بستریز روغتون ته ولېږدول شول.
د میدان وردګو ولایت د ارزاقو لوی مدیر سیدشمس الدین اکبر وویل، چې په دغه خوراکي توکو کې:
- ۱۷۱ کیلوګرامه وریځې
- ۴۶ لیټره مایع غوړي
- ۱۵کیلو ګرامه وچې شیدې
- ۵۰۰ دانې د چرګانو هګۍ
- ۶کیلوګرامه شين چای
- ۲۸ کیلو ګرامه بوره
- ۱۴ کیلو ګرامه لوبیا
- ۱۲ قوطی رُب
- ۱۰کیلو ګرامه مالګه شامل دي.
ښاغلي سیدشمس الدین اکبر وايي، چې یاد خوراکي توکي د میدان وردګو ولایت د معتادینو۴۰ بستریز روغتون ټاکل شوي پلاوي تر کتنې، وزن او د تائیدۍ وروسته د نوموړي روغتون اداري مدیر ته وسپارل.
نو موړي ډاډڅرګنده کړ، چې د یاد روغتون مسوولین او اداري پلاوي د ارزاقو امارتي شرکت له پروژوي چارو؛ چې پر وخت او په ښه کیفیت خوراکي توکي ور لېږدوي خوښ او رضایت لري او د دغه شرکت کړنې د ډاډ وړ وبللې.
د میدان وردګو ولایت د ارزاقو لوی مدير سیدشمس الدین اکبر د معتادینو ۴۰ بستریز روغتون مسوولینو ته ډاډ څرګند کړ، چې د ارزاقو امارتي شرکت د کړنلارې او لارښود سره سم به لا زیات خدمتونه وړاندې کړي.
د یادونې وړ ده، چې یاد روغتون ته تازه خوراکي توکي (سبزي او میوه باب) په ورځنۍ توګه لېږدول کیږي.
