د ارزاقو امارتي شرکت د ریاست انګړ زرغونیږي؛
د ارزاقو امارتي شرکت د ریاست انګړ به د راتلوونکي نوي کال له پیل سره سم زرغون او په زینتي ګلانو اوبوټو به ښکلی شي.
په دغه انګړ کې، چې اوس مهال میوه لرونکي او غیر میوه لرونکي ونې له ډېره مخکې کېنول شوي، د شرکت خدماتي کارکوونکي یې هر وخت ساتنه او مراقبت کوي.
د ارزاقو امارتي شرکت انګړ کابو (30,000) مترمربع مساحت لري، چې د یوې زینتي او میوه لرونکي بڼ په توګه هم یادېدلی شي.
سږکال، د شرکت رهبري پلاوي په هلوځلو د شرکت بڼ ته نور هم ښکلا ورپه برخه شي، چې دا مهال د زرغون چمن د کرلو او د پلي لارو د جوړولو چارې په ګړندۍ توګه روانې دي.
د ارزاقو امارتي شرکت دغه هڅه نه یوازې د طبیعت ښکلا ته اهمیت ورکوي، بلکې د پاک او آرام چاپیریال په رامنځته کولو کې مهمه او اغیزمنه کړنه ګڼي.
