د بلخ پوهنتون لیلیې ته ۸ قلمه خوراکي توکي ولېږدول شول
د بلخ ولایت د ارزاقو لوی مدیر محمدکاظم مهدي یار وايي، چې د تېرې اونۍ په وروستۍ ورځ د دې ولایت پوهنتون لیلیې ته ۸ قلمه اړین خوراکي توکي لېږدولي دي. نوموړي زیاته کړه، چې دغه خوراکي توکي د کتنې پلاوي په شتون کې د پوهنتون لیلیې اړوند مسوول ته وسپارل شول.
نوموړي څرګنده کړه، چې په دغو خوراکي توکو کې ۱۹۳۸کیلوګرامه وریجې، ۵۳۶ کیلوګرامه غوړي، ۲۱۴ کیلوګرامه بوره ،۱.۷ کیلوګرامه زرد چوبه، ۶۶ کیلوګرامه رُب، ۴ کیلوګرام د دیګ مساله، ۵۰۰ ګرامه د چای هیل او ۲ نیم کیلو ګرامه زیره شامل دي.
مهدي یار ټینګار وکړ، چې د بلخ ولایت د ارزاقو امارتي شرکت پروژې په منظمه توګه پرمخ ځي او د ارزاقو مدیریت له خوا په دوامداره توګه څارنه او ارزونه کېږي.
همدارنګه د خوراکي توکو د لېږد د پروسې ترڅنګ؛ مهدي یار ورمه ورځ د بلخ ولایت د هلکانو د روزنتون څخه هم لیدنه کړې. نوموړي د زدهکوونکو د پخلي، د ډوډۍ د وېش، کیفیت او د پخلنځي د پاکوالي ارزونه کړې او په اړه یې یو لړ سپارښتنې د یاد روزنتون مسوولینو ته وړاندې کړې دي.
