د غزني ارزاقو مدیریت د معتادینو روغتون سره د خوراکي توکو تړون لاسلیک کړ
د غزني ولایت د ارزاقو لوی مدیر ښاغلي قاري عبدالباسط ابوطارق خبر ورکړ، چې د تېرې اونۍ په وروستیو کې د دغه ولایت ښځینه معتادینو شل بستريز روغتون ته د خوراکي توکو د برابرولو او لېږد تړون د (YHDO) موسسې ترمنځ لاسلیک شو.
قاري ابوطارق وویل، چې د دغه تړون له مخې به د غزني ارزاقو امارتي شرکت وکولی شي، د یوې ربعې په لړ کې یاد روغتون ته خوراکي توکي برابر او ولېږدوي.
دا په داسې حال کې ده، چې ارزاقو امارتي شرکت د نوي کال په درشل کې د مرکز په ګډون د هېواد په ولایتونو کې د تړونونو د تمدید یا نوي کولو او همدارنګه له نورو ادارو سره د تازه تړونو لړۍ پیل کړې.
