اته قلمه خوراکي توکي د سمنګانو ولایت پوهنتون لیلیې ته ولېږدول شول
د ارزاقو امارتي شرکت د بنسټیزو فعالیتونو، سوداګریز پلان او د ۱۴۰۴ مالي کال د تائید شوي پلان له مخې؛ اته قلمه خوراکي توکي د سمنګانو ولایت د پوهنتون لیلیې ته ولېږدول شول.
د سمنګانو ولایت د ارزاقو لوی مدیر محمداجان فایز وایي، چې دغه خوراکي توکي وړمه ورخ د کتنې پلاوي تر څار لاندې د یاد پوهنتنون لیلیې اړوند مسوول ته تسلیم شوي دي.
هغه زیاته کړه، چې په دې خوراکي توکو کې ۲۷۱۰ کیلوګرامه لومړۍ درجه سیله وريجې، ۳۰۰ کیلوګرامه بوره، ۷۴۹ کیلوګرامه مایع غوړي، ۳.۴۵ کیلوګرامه زیره، ۵۷۶ ګرامه د چای هیل، ۹۲ کیلوګرامه لورین رُب، ۵.۷۶ کیلوګرامه د دیګ مساله او ۲.۳ کیلوګرامه زردچوبه شامل دي.
فایز همداراز وویل، چې د سمنګانو پوهنتون لیلیې مسوولین د دغو خوراکي توکو د لېږد بهیر څخه خوښي څرګنده کړې او د ارزاقو امارتي شرکت له خدمتونو یې هرکلی کړی دی.
هېره دې نه وي، چې د خوراکی توکو د لېږد او څارنې بهیر په ټول هیواد کې د ارزاقو امارتي شرکت د ولایتي مدیریتونو له خوا په دوامداره توګه ترسره کېږي.
