په ارزګان ولایت کې؛ د پوهاند غضنفر روغتیايي علومو انیستیتوت ته ۱۷ قلمه خوراکي توکي ولېږدول شول
د ارزاقو امارتي شرکت د خپلو بنسټیزو فعالیتونو، سوداګریز پلان او د روان مالي کال د منظور شوي پلان له مخې؛ تیره ورځ د ارزګان ولایت د پوهاند غضنفر روغتیايي علومو انیستیتوت ته ۱۷ قلمه د اړتیا وړ خوراکي توکي لېږدولي دي.
دارزګان ولایت د ارزاقو مدیر اخترمحمد شیرزی وايي، چې دغه توکي د یاد انستیتوت د زده کړیالانو د یوې میاشتې اړتیاوو د پوره کولو په موخه برابر او لېږدول شوي دي.
شیرزي زیاته کړه، چې په لېږل شویو توکو کې خام (حبوبات) توکي په یو وخت کې ولېږدول شول او تازه توکي په ورځني ډول لېږدول کېږي.
نوموړي څرګنده کړه، چې په یادو خوراکي توکو کې؛ ۸۲۵ کیلوګرامه وچه ډوډۍ، ۲۱۲ کیلوګرامه وریجې، ۶۶ کیلوګرامه مایع غوړي، ۱۶.۵ کیلوګرامه د خواړو مالګه، ۹۹ کیلوګرامه لوبیا، ۲۴.۷۵ کیلوګرامه بوره، ۲۴،۷۵ کیلوګرامه وچې شیدې، ۳.۳ کیلوګرامه چای، ۴۹،۵ کیلوګرامه د غوايي نرمه غوښه، ۲۴.۷۵ کیلوګرامه پیاز، ۴۹،۵ کیلوګرامه تازه بانجاني رومي، ۹۹ کیلوګرامه کچالو، ۸۲،۵ کیلوګرامه بامیه، ۸۲،۵ کیلوګرامه تور بانجان، ۸۲۵ ګرامه د دیګ مساله، ۸۲،۵ کیلوګرامه ګلپي او ۴۱۲.۵ کیلوګرامه مڼې شاملي دي. سربېره پر دې؛ ۹۰.۷۵ کیلوګرامه سوزونکی مایع ګاز هم یاد انستیتوت ته ولېږدول شو.
د یادونې وړ ده، چې د ارزاقو امارتي شرکت له خوا د خوراکي توکو د لېږد او وېش پروسه د هېواد په کچه د یاد شرکت د ولایتي مدیرانو له خوا په دوامداره توګه څارل او ارزول کېږي.
