د سرپل ولایت د ارزاقو مدیر له روزنتون څخه څارنه او ارزونه وکړه
د سرپل ولایت د ارزاقو لوی مدیر ښاغلي فضلالدین"امید" د تېرې اونۍ وروستیو ورځو کې د دغه ولایت د کار او ټولنیزو چارو ریاست اړوند روزنتون څخه څارنه او ارزونه ترسره کړه.
ښاغلي امید څرګنده کړه، چې یاده څارنه هغه مهال ترسره شوه، چې د روزنتون لیلیې زدهکوونکو ته د غرمنۍ خواړه چمتو شوي وو. نوموړي د خوړو د پخلي د څرنګوالي، تنظیم او د وېش د بهیر له کیفیت څخه خوښي وښوده.
همداراز د ارزاقو مدیر زیاته کړه، چې د روزنتون مسوولینو د ارزاقو امارتي شرکت له لوري د اړینو خوراکي توکو پر وخت برابرولو، لېږد او د کیفیت د لوړوالي په اړه ډاډ ورکړی دی.
د یادونې وړ ده، چې د ارزاقو امارتي شرکت پروژې په دوامداره توګه په مرکز او هم په ولایتونو کې د اړونده برخو د مسوولینو له خوا تر څارنې او ارزونې لاندې دي، ترڅو نیمګړتیاو رامنځته نه شي او د کیفیت کچه نوره هم لوړه شي.
