د ارراقو امارتي شرکت له لوري لس قلمه خوراکي توکي د سرپل ولایت ۳۰ بستریز روغتون ته ولېږدول شول
د سرپل ولایت د ارزاقو لوی مدیر فضل الدین امید وايي، چې تېره ورځ یې د دې ولایت ۳۰ بستریز روغتون ته لس قلمه خوراکي توکي ولېږدول.
امید وویل، چې په یادو خوراکي توکو کې ۱۴۴ کیلوګرامه سیله وریځي، ۵۴ لېټره مایع غوړي، ۲۵ کیلو ګرامه لوبیا، ۲۷ کیلوګرامه پیاز، ۷ کیلو ګرامه شين چای، ۲۲ کیلو ګرامه میده بوره، ۹ قوطی رُب، ۹ کیلو ګرامه مالګه، ۱۲ کیلوګرامه وچې شیدې او ۷۰ کیلو ګرامه کچالو شامل دي.
نوموړي زیاته کړه، چې د سرپل ولایت د ۳۰ بستریز روغتون د څانګې مسوولین د ارزاقو امارتي شرکت له چارو خوښ دي.
هېره دې نه وي، چې د ارزاقو امارتي شرکت د خوراکي توکو دلېږد او د پروژو د تطبیق له پروسې څارنه او ارزونه په ټولو ولایتونو کې د ارزاقو ولایتي مدیریتونو له خوا په پرله پسې توګه دوام لري.
