د ارزاقو امارتي شرکت د یوه خالي بست لپاره د آزادې سیالۍ له لارې آزموینه واخیستل شوه
د ارزاقو امارتي شرکت د سوداګرۍ سلاکار د خالي بست د ډکولو په موخه د آزادې سیالۍ له لارې تحریري آزموینه واخیستل شوه، چې پکې ۲۱ کسانو ګډون کړی و.
یاده آزموینه د سوداګریزو چارو د پراختیا د رییس، د آزموینې کمېټې غړیو او د امارتي شرکتونو لوی ریاست د استازي په شتون کې ترسره شوه.
د ارزاقو امارتي شرکت د کارکوونکو چارو سرپرست آمر ښادي ګل صاحبزاده وویل، چې دې بست ته ټولټال ۲۸ تنه نوماندان شارټ لېست شوي وو، چې له ډلې یې ۲۱ کسانو په آزموینه کې ګډون وکړ.
د نوموړي په وینا؛ د تحریري آزموینې د ځواب پاڼو له ارزونې وروسته به هغه نوماندان، چې لوړې نمرې ترلاسه کړي د مرکې آزموینې ته راوبلل شي.
د یادونې وړ ده، چې څو موده وړاندې هم د ارزاقو امارتي شرکت د درېیو خالي بستونو د ډکولو لپاره ورته آزموینه واخیستل شوه.
