د بامیان پوهنتون لیلیې ته ۱۲ قلمه خوراکي توکي ولېږدول شول
د امارتي شرکتونو عمومي ریاست اړوند ارزاقو امارتي شرکت د خپلو بنسټیزو فعالیتونو او سوداګریزو پلان له مخې؛ د بامیان ولایت د پوهنتون لیلیې ته ۱۲ قلمه د اړتیا وړ خوراکي توکي ولېږدول.
د بامیان ولایت د ارزاقو مدیر نعمت الله رحمتي په رالېږلي معلوماتو کې ویلي دي، چې یاد خوراکي توکي د بامیان پوهنتون د غوښتنې پر اساس د پوهنتون لیلیې ته ولېږدول او د کتنې پلاوي په شتون کې اړوند مسوول ته وسپارل شول.
د سرچینې له مخې؛ په دغو خوراکي توکو کې؛ ۲۱۶۰ کیلوګرامه وریجې، ۸۱۰ کیلوګرامه مایع غوړي، ۵۴ کیلوګرامه نخود، ۱۷۲ کیلوګرامه مالګه، ۲۸۱ کیلوګرامه بوره، ۱۶ کیلوګرامه شین چای، ۳.۲۴ کیلوګرامه زیره، ۸۴۰ ګرامه د چای هیل، ۳.۲۴ کیلوګرامه د وریجې مساله،۵.۴ کیلوګرامه د قورمې مساله، ۲.۱۶ کیلوګرامه کورکمن او ۱۰۸ کیلوګرامه رُب شامل دي.
د یادونې وړ ده، چې ارزاقو امارتي شرکت د خوراکي توکو د لېږد بهیر په ټول هېواد کې د ولایتي مسوولینو له لوري په دوامداره توګه څارل او ارزول کېږي.
