د ارزاقو امارتي شرکت اړوند د یوه باب مغازې د مزایدې غونډه ترسره شوه
تېره ورځ د ارزاقو امارتي شرکت د غونډو په تالار کې د دې شرکت اړوند د یوه باب مغازې د کرایې ورکولو په موخه د مزایدې غونډه ترسره شوه. په یادې غونډه کې د ارزاقو امارتي شرکت،د امارتي شرکتونو د لوی ریاست او د مالیې وزارت استازو ګډون کړی و.
په دې مزایده کې د ارزاقو امارتي شرکت اړوند د خېرخانې مېنې د خشت هوختیف ۳۱ نمبر مغازه، چې څه موده وړاندې د مزایدې لپاره اعلان ته سپارل شوې وه، درې تنو داوطلبانو ګډون کړی و، چې په پایله کې یو تن د محمد صادق په نوم د یادې مغازې د کرایې ورکړې لپاره ګټونکی اعلان شو.
د یادونې وړ ده، چې ارزاقو امارتي شرکت خپل ملکیتونه د پانګونې او کرایې ورکولو په موخه د داوطلبۍ له لارې اعلان ته سپاري او اړوندې مزایدې د شرکت د استازو او داوطلبانو په شتون کې په شفاف ډول ترسره کېږي.
