د ارزاقو امارتي شرکت له لوري د غزني ښځینه معتادینو شل بستریز روغتون ته ۸ قلمه خوراکي توکي ولیږدول شول
د غزني ولایت د ارزاقو امارتي شرکت مدیر ښاغلی قاري عبدالباسط ابوطارق وايي، چې وړمه ورځ د(YHDO) موسسې د ښځینه معتادینو شل بستریز روغتون ته ۸ قلمه خوراکي توکي ولیږدول.
نوموړی زیاته وي، چې په یادو خوراکي توکو کې ٢٨٠ کیلو ګرامه وریځې، ۱۰۸ لېټره مایع غوړي،۷۰ کیلوګرامه لوبیا، ۲۷ کیلو ګرامه شیدې،۱۰ کیلو ګرامه شین چای، ۴۰ کیلو ګرامه رُب، ۳۸ کیلو ګرامه بوره او ۲۲ کیلو ګرامه مالګه شامل دي.
د غزني ولایت د ارزاقو مدیر همداراز څرګندوي، چې یاد خوراکي توکي د روغتون اړوند مسوول په شتون کې تسلیم شول.
ابوطارق وویل، چې د ښځینه معتادینو شل بستریز روغتون مسوول د ارزاقو امارتي شرکت د خوراکي توکو د لېږد پروسې او همداراز د توکو د کمیت او کیفیت په اړه خوښي او رضایت څرګند کړی دی.
د یادونې وړ ده، چې د تېر کال په څېر ارزاقو امارتي شرکت د خپلو بنسټیزو فعالیتونو له مخې د هېواد ګڼو روغتونونو ته د خوراکي توکو د بیا ځلې لېږد چارې پیل کړې دي.
