بلخ پوهنتون ته اته قلمه خوراکي توکي ولېږدول شول
د ارزاقو امارتي شرکت له لوري تېره ورځ بلخ پوهنتون ته اته قلمه خوراکي توکي واستول شول.د بلخ ولایت د ارزاقو لوی مدیر محمدکاظم مهدي یار وایي، چې یاد خوراکي توکي د کتنې پلاوي په شتون کې د پوهنتون اړوند مسوول ته وسپارل شول.
نوموړی زیاتوي، چې په یادو خوراکي توکو کې ۶۴۶۲ کیلوګرامه وریجې، ۷۱۵ کیلوګرامه بوره، ۴۴۰ کیلوګرامه د خواړو مالګه، ۴۱ کیلوګرامه شین چای، ۱.۴کیلوګرامه هیل ، ۸ کیلوګرامه زیره ، ۱۳ کیلوګرامه د دیګ مصاله او ۵ کیلوګرامه زردچوبه شامل دي.
د مهدي یار په وینا؛ د بلخ پوهنتون مسوولینو د ارزاقو امارتي شرکت له خدمتونو خوښي څرګنده کړې او د شرکت چارې ستایې، چې پر وخت او په لوړ کیفیت سره د پوهنتون د لیلیې اړتیاوې پوره کوي.
دا په داسې حال کې ده، چې د ارزاقو امارتي شرکت په دې ورځو کې د هېواد پوهنتونونو، روغتیايي مرکزونو، دیني مدرسو او روزنتونونو ته د خوراکي توکو د لېږد ترڅنګ؛ د څارنې او ارزونې پروسې هم چټکې کړې دي.
