د ارزاقو امارتي شرکت د مدیره پلاوي غونډه وشوه؛
د ارزاقو امارتي شرکت د مدیره پلاوي غونډه د چهارشنبې په ورځ له غرمې مخکې د امارتي شرکتونو عمومي ریاست کې د ښاغلي حمیدالله عبداللهي په مشرۍ جوړه شوه.
په دې غونډه کې د اقتصاد او سوداګرۍ وزارتونو استازو، د مدیره پلاوي غړو، د ارزاقو امارتي شرکت د اجرائیوي رئیس مولوي عبدالرازق رفیع، د سوداګرۍ پرمختیا رئیس محمد امین صاحبزاده، د مالي چارو آمر وحیدالله ابراهیم خیل او د پلان لوی مدیر عبدالمقدس ګډون کړی وو.
په دې غونډه کې د ۱۴۰۴ کال مالي، تدارکاتي او عملیاتي پلانونو او همداراز د شرکت په اداري جوړښت غور او بحث وشو، چې له نظر ورکولو او د موجوده خنډونو د لرې کولو په موخه یو لړ لازمې پرېکړې وشوې.
د مدیره پلاوي په غونډه کې مولوي عبدالرازق رفیع د ارزاقو امارتي شرکت په کړنو، لاسته راوړنو او تر کار لاندې د اساسي او سوداګریزو پلانونو طرحو او موخو په اړه معلومات وړاندې کړل.
همداراز په غونډه کې د شرکت اجرائیوي رئیس مولوي عبدالرازق رفیع له لوري د چارو د ښه پرمختګ لپاره یو لړ وړاندیزونه او غوښتنې وشوې، چې د رسېدګۍ په اړه یې د مدیره پلاوي لخوا ډاډ ورکړل شو.
