د لغمان ولایت د ارزاقو لوی مدیر د کار او ټولنیزو چارو ریاست اړوند روزنتون څخه لیدنه وکړه
د لغمان ولایت د ارزاقو لوی مدیر ښاغلي وحیدالله الکوزي نن ورځ د ارزاقو امارتي شرکت د پروژو د ښه تطبیق او عملي کولو په موخه د کار او ټولنیزو چارو ریاست اړوند روزنتون څخه څارنه وکړه.
ښاغلی الکوزي په داسې حال کې له یاد روزنتون څخه څارنه او لیدنه وکړه، چې د روزنتون زده کوونکو لپاره د غرمې ډوډۍ وېش لړۍ روانه وه.
د لغمان د ارزاقو مدیر وایي، چې په دې څارنه کې د روزنتون مسوول هم شتون درلود او د ارزاقو امارتي شرکت د پروژو د ښه تطبیق په اړه یې خوښي څرګنده کړه.
ښاغلي الکوزي زیاته کړه، چې تر دې مهاله په لغمان ولایت کې د ارزاقو امارتي شرکت د پروژو پلي کولو کې هیڅ ډول خنډ یا ځنډ نه دی رامنځته شوی او د اړونده ادارو مسوولین د ارزاقو امارتي شرکت د پروژو له چارو خوښ دي.
هېره دې نه وي، چې په مرکز او ولایتونو کې د ارزاقو امارتي شرکت د پروژو د تطبیق څخه په دوامداره توګه څارنه او نظارت ترسره کیږي.
