د کاپیسا د ارزاقو امارتي شرکت له لوري د البیروني پوهنتون لیلیې ته ۱۱ قلمه خوراکي توکي ولیږدول شول
د کاپیسا ولایت د ارزاقو لوی مدیر ښاغلي قاري فریدون مصلح په یوه رالیږلې خبرپاڼه کې ویلي، چې وړمه ورځ یې د ارزاقو امارتي شرکت له لوري د البیروني پوهنتون لیلیې ته ۱۱ قلمه خوراکي توکي لېږدولي دي.
د خبرپاڼې له مخې؛ په یادو خوراکي توکو کې ۵۵۰۰ کیلوګرامه فیصل وریڅې، ۱۰۸۰لېټره مایع غوړي، ۳۰کیلوګرامه چای،۳۵۰ کیلوګرامه لوبیا،۷۰ کیلوګرامه نخود،۱۵۰کیلوګرامه رُب، ۳۰۰کیلوګرامه مالګه، ۱۵کیلوګرامه د دیګ مصاله، ۵ کیلوګرامه زرچوبه، ۵ کیلوګرامه زیره او هیل شامل دي.
خبر پاڼه زیاتوي، چې یاد خوراکي توکي د دواړو لوري د کتنې پلاوو په شتون کې د کاپیسا ولایت البیروني پوهنتون د لیلیي اړوند مسوول ته تسلیم شول. همداراز د البیروني پوهنتون اداري پلاوي د ارزاقو امارتي شرکت له خدماتو خوښي ښودلې او د یادو خوراکي توکو له کمیت او کیفیت څخه یې رضایت څرګند کړی دی.
هېره دې نه وي، چې د ارزاقو امارتي شرکت د تېر کال په څېر سږ کال هم د خپلو بنسټیزو فعالیتونو په دوام د هېواد د پوهنتونونو لیلیو ته د خوراکي توکو لېږد په منظم ډول ترسره کوي.
