د لوګر ولایت پوهنتون لیلیې ته ١٢ قلمه خوراکي توکي ولېږدول شول؛
د لوګر ولایت د ارزاقو لوی مدیرانجنیر محمد نعیم حبیبي وایي، چې ۱۲ قلمه خوراکي توکي د لوګر پوهنتون لیلیې ته د ارزاقو امارتي شرکت د ولایتي مدیریت لهخوا لېږدول شوي دي.
نوموړى زیاتوي، چې په یادو خوراکي توکو کې ٧٣٩٢ کیلوګرامه وریجې، ٢٠٤٧ کیلوګرامه غوړي، ٨١٩ کیلوګرامه بوره، ٢٤٩ کیلوګرامه لوبیا، ٤٧ کیلوګرامه شین چای، ٣٠٩ کیلوګرامه نخود، ٥٠٤ کیلوګرامه مالګه، ٢٥٢ کيلوګرامه رُب، ١٥.٧ کیلوګرامه د دیګ مصاله، ٦.٣ کیلوګرامه زردچوبه، ١.٥ کیلوګرامه د چای هیل او ٩.٤ کیلوګرامه زیره شامل دي.
د حبیبي په وینا؛ یاد توکي د یوې ربعې اړتیاوو پر بنسټ لېږدول شوي او د کتنې پلاوي تر څار لاندې د پوهنتون اړوند مسوول ته سپارل شوي دي.
د یادونې وړ ده، چې د ارزاقو امارتي شرکت له خوا د هېواد ولایتي مدیریتونو ته د اړتیاوو پر بنسټ خوراکي توکي له ګدامونو اکمالېږي او د همدې شرکت د ولایتي مدیریتونو لهخوا هغو ادارو ته لېږدول کېږي، چې له دوی سره تړون لري.
