د بلخ ولایت د ارزاقو مدیریت له لوري جامعه تخصصات (دیني علومو مرکز) ته خوراکي توکي ولېږدول شول
د بلخ ولایت د ارزاقو مدیریت له لوري جامعه تخصصات (دیني علومو مرکز) ته خوراکي توکي ولېږدول شول
د بلخ ولایت د ارزاقو لوی مدیر محمدکاظم مهدي یار وايي، چې تېره ورځ یې د یاد ولایت جامعه تخصصات دیني علومو مرکز لیلیې ته ۸ قلمه اړین خوراکي توکي ولېږدول شول .
نوموړي زیاته کړه، چې په دغو خوراکي توکو کې ۱۵۶ کیلوګرامه وریجې، ۴۰ کیلوګرامه غوړي، ۴۰ کیلوګرامه لوبیا، ۷ کیلوګرامه نخود،۱۰ کیلوګرامه مالګه، ۵ کیلوګرامه رُب، یو کیلوګرام چای او ۵۰۰ ګرامه زیره شامل دي، چې یاد توکي د کتنې پلاوي په شتون کې د یاد مرکز مسوول ته وسپارل شول .
مهدي یار ټینګار وکړ، چې د بلخ ولایت د ارزاقو امارتي شرکت پروژې په منظم ډول پرمخ ځي او د ارزاقو مدیریت له خوا یې په دوامداره توګه څارنه او ارزونه هم کېږي.
