د فراه ولایت د ارزاقو مديريت چارې وستایل شوې؛
د تېرو ستاینو په لړ کې؛ د ا ځل د فراه ولايت د ارزاقو مديريت له کړنو او فعاليتونو ستاينه شوې.
د فراه ولایت د کار او ټولنیزو چارو ریاست له لوري د ارزاقو لوی مدیر ښاغلي حافظ غوث الدین نصرت او د دې مدیریت مالي او اداري چارو مسوول عبدالجلیل اسلمي ته، چې د یاد ولایت روزنتون لپاره د خوراکي توکو د برابرولو او لېږد چارې پر وخت او په لوړ کیفیت سره ترسره کړی دي، په معنوي ډالیو ستایل شوي دي.
د کار او ټولنیزو چارو ریاست په ستاینلیکونو کې نه یوازې د ارزاقو ولایتي مسوولینو له کړنو ستاینه کړي؛ بلکې د ارزاقو امارتي شرکت د رهبري پلاوي او کارکوونکو هلي ځلي هم ستایلي او د شرکت ټولو کارکوونکو ته د لا زیاتو بریاوو غوښتنه په کې کړې ده .
دا په داسې حال کې ده، چې د ارزاقو امارتي شرکت چارې په مرکز او ولایتونو کې د بېلابېلو دولتي او خصوصي ادارو له لوري په پرله پسې توګه ستایل کیږي.
