د لغمان ولایت د ارزاقو امارتي شرکت د جایدادونو عواید او چوپړتیاوې
د ارزاقو امارتي شرکت د خپلو ملکیتونو او جایدادونو له عوایدو د هېواد اقتصادي وده پیاوړې کوي او ولس ته سوداګریزې آسانتیاوې برابروي.
په دې لړ کې، یاد شرکت د لغمان ولایت په مهترلام بابا ښار کې یو درېپوړیز سوداګریز مارکیټ لري، چې پکې د بېلابېلو توکو هټۍ شتون لري. د دې مارکیټ ساتنه او مدیریت د ارزاقو امارتي شرکت پر غاړه دی، او عواید یې هره میاشت د شرکت حساب ته لوېږي.
سربېره پر دې، د دغه درېپوړیز سوداګریز مارکیټ ترڅنګ، په دې ولایت کې یو اوسپنیز او بل سمنټي زیرمتون (ګدام)، او څلور بابه د خرڅلاو مغازې موجودې دي. د یادو جایدادونو مدیریت او ساتنه ټول د ارزاقو امارتي شرکت پورې تړلي دي، او عواید یې د شرکت حساب ته انتقالېږي.
د ارزاقو امارتي شرکت د سوداګرۍ او اقتصاد په برخه کې د پام وړ لاسته راوړنې لري او خلکو ته بېساري خدمتونه وړاندې کړي دي. د دې شرکت رهبري پلاوی هڅه کوي، چې د سوداګرۍ او پانګونې برخې لا پیاوړې کړي او د هېواد بېلابېلو قشرونو ته کاري آسانتیاوې برابرې کړي.
#د نشراتو مدیریت
