د پکتیا پوهنتون اړوند تدریسي روغتون ته ۱۰ قلمه خوراکي توکي ولیږدول شول
دپکتیا ولایت د ارزاقو لوی مدیر مولوي دین محمد حماس وايي، چې وړمه ورځ یې ۹ قلمه د اړتیا وړ خوراکي توکي د دې ولایت پوهنتون اړوند تدریسي روغتون ته لېږدولي دي.
نوموړی زیاتوي؛ چې په یادو خوراکي توکو کې؛ ۵۴۰ کیلوګرامه وریجي، ۲۰۲ کیلوګرامه مایع غوړي، ۷۰ کیلوګرامه لوبیا، ۱۰۸ کیلوګرامه بوره، ۱۶ کیلوګرامه شین چای،۱۶ کیلوګرامه د رومیو رُب، ۳۶ کیلوګرامه وچې شیدې، ۶ کیلوګرامه د دیګ مساله، ۲۷ کیلوګرامه د خواړه مالګه او ۱۶ کیلوګرامه تور چای شامل دي.
حماس څرګنده کړه، چې یاد خوراکي توکي د دواړو لورو د کتنې پلاوو په شتون کې د پکتیا پوهنتون تدریسي روغتون اړوند مسوول ته تسلیم شول.
همداراز د پکتیا پوهنتون اړوند تدریسي روغتون اداري پلاوي د ارزاقو امارتي شرکت له هڅو مننه کړې او له خدمتونو یې خوښي څرګنده کړې ده.
دا په داسې حال کې ده، چې په همدې ورځ ۱۲ قلمه خوراکي توکي د عبدالله ابن مبارک ديني جامعې ته هم ولېږدول شول.
