د ارزاقو امارتي شرکت فعالیتونه د خوراکي توکو په برخه کې؛
ارزاقو امارتي شرکت د ۱۴۰۴ مالي او سوداګریز پلان له مخې؛ د روان کال لپاره بنسټیز فعالیتونه پیل کړي او د مرکز او ولایتونو د پوهنتونونو لیلیو، روزنتونونو، مرکزي او ولایتي روغتونونو لپاره د خوراکي توکو د برابرولو او لېږد قرار دادونه په رسمي ډول ترسره کړي دي . دغه شرکت د خپل کاري پلان سره سم ژمن دی، چې دولتي ادارو ته په وخت او لوړ کیفیت لرونکي مواد برابر کړي.
په همدې توګه د سرپل ولایت د لوړو زده کړو موسسې د اړتیا پر بنسټ۱۶ قلمه خوراکي توکي د ارزاقو عمومي مدیر فضلالدین امید لخوا د دواړه ادارو د هیئتونو په شتون کې برابر او تسلیم شول.
هېره دې نه وي، چې د تازه خوراکي توکو لېږد چارې په ورځنۍ ډول ترسره کیږي.
