د بامیانو ولایت د ارزاقو لوی مدیر د کار او ټولنیزو چارو ریاست اړوند روزنتون څخه څارنه وکړه؛
د بامیانو ولایت د ارزاقو لوی مدیر زمری لعلی وايي، چې نن ورځ د دې ولایت د کار او ټولنیزو چارو ریاست اړوند روزنتون څخه څارنه وکړه. نوموړی زیاته کړه، چې د پخلي او ډوډۍ د چمتو کولو او وېش بهیر له نږدې وڅاره او د زدهکوونکو د خوړو د کیفیت او کمیت ارزونه وکړه.
لعلي ډاډ ورکړ، چې د روزنتون د لیلیې لپاره د خوراکي توکو چمتو کول او وېش په منظم او مناسب ډول ترسره کېږي. هغه زیاته کړه، چې د روزنتون مسوولین د ارزاقو امارتي شرکت له خدمتونو خوښ دي او پوره رضایت لري.
د یادونې وړ ده، چې د ارزاقو امارتي شرکت مرکزي او ولایتي مسوولین تل هڅه کوي، چې خپلو اړوندو چوپړیزو خدمتونو ته دوام ورکړي ، څو د خدمتونو په وړاندې کولو کې کوم خنډ یا ستونزه رامنځته نه شي.
