د میدان وردګو ولایت د ارزاقو لوی مدیر د کار او ټولنیزو چارو ریاست اړوند د روزنتون د خوړو بهیر وڅارل
د میدان وردګو ولایت د ارزاقو لوی مدیر ښاغلی سید شمسالدین اکبر د کار او ټولنیزو چارو اړوند روزنتون د خوراکي توکو د وېش بهیر له نږدې وڅارل. په دې څارنه کې د روزنتون آمر مولوي نعمتالله او د تدارکاتو مدیر صالح محمد هم شتون درلود.
ښاغلي اکبر وویل، چې د څارنې پر مهال یې د خوراکي توکو د ویش بهیر، د خوړو کیفیت او کمیت د پخلنځي پاکوالی، د آشپزانو یونیفورم او همدارنګه د خامو او پخو توکو وضعیت یې و ارزول.
نوموړي زیاته کړه، چې د یاد روزنتون د پروژوي چارو د ښه تطبیق، د شته وو ستونزو د هوارۍ او د لا زیاتې آسانتیاوو لپاره اړینې سپارښتنې او د همکاریو ډاډ ورکړل شو.
په دې لیدنه کې د ارزاقو لوی مدیر له تدارکاتو مدیر صالح محمد سره د قرارداد پر جزئیاتو بحث وکړ او هغو مواردو ته، چې څرګندونو ته اړتیا لرله قناعت بښونکي وضاحت ورکړل شو.
د میدان وردګو ولایت د ارزاقو مسوولین وايي، چې دا څارنه په داسې حال کې ترسره شوه، چې د ارزاقو مدیریت د یاد شرکت د پروژو څارنه او ارزونه په دوامداره توګه تر سره کوي، تر څو د تطبیق په بهیر کې ستونزې او تشې رامنځته نه شي.
