د پروان ولایت د ارزاقو مدیریت کړنې وستایل شوې
په پروان ولایت کې د ارزاقو امارتي شرکت د ولایتي مدیریت کړنې وستایل شوې.یاد شرکت د پروان ولایت د عامې روغتیا وزارت اړوند د معتادینو د درملنې ۵۰ بستریز روغتون ته اړین خوراکي توکي په مناسب وخت او د ښه کیفیت په لرلو سره رسولي دي.
په همدې توګه د عامې روغتیا وزارت له خوا د پروان ولایت د ارزاقو امارتي شرکت ولایتي لوی مدیر ښاغلی نورالدین قرلق او د مالي او اداري مدیر ښاغلی احمد جمشید ابراهیمخېل ته ستاینلیکونه ورکړل شوي دي.
په دغو ستاینلیکونو کې د یادو مدیرانو هڅې او خدمتونه د قدر وړ بلل شوي او همداراز د ارزاقو امارتي شرکت د پروان ولایتي مدیریت لپاره د لا زیاتو بریاوو هیله څرګند شوې ده.
هېره دې نه وي، چې څو ورځې وړاندې هم په فراه ولایت کې د ارزاقو امارتي شرکت د ولایتي مدیریت کړنې وستایل شوې.
