فراه ولایت کې د ارزاقو امارتي شرکت جایدادونه؛
نن ورځ د فراه ولایت د ارزاقو امارتي شرکت په جایدادونو معلومات وړاندې کوو، چې په دې ولایت کې په کومه اندازه د نوموړي شرکت جایدادونه شته او له دغو ملکیتونو څخه څنګه ګټه اخیستل کېږي!؟
فراه د افغانستان له جنوب لویدیځ ولایتونو څخه دی، چې د ارزاقو امارتي شرکت په کې کابو ۱۴۰۰۰ متر مربع ځمکه لري، چې د ځمکې په سر ګدامونه او سوداګریزې هټۍ جوړې شوي او د ارزاقو امارتي شرکت لپاره د عوایدو ترلاسه کولو منبع ده.
د ارزاقو امارتي شرکت د معلوماتو له مخې؛ د فراه ولایت په ښار کې ۷۰ بابه هټۍ موجودې دي، چې په پاخه او د هماغه وخت د خصوصي متشبسینو له لوري جوړې شوې دي. یادې هټۍ اوسمهال په کرایه ورکړل شوي، چې عاید یې د شرکت حساب ته جمع کېږي.
د دغه هټیو په محوطه کې د ارزاقو امارتي شرکت ۳ مخکني سمینټي ګدامونه هم موجود دي، چې د شرکت له املاکي جایدادونو څخه دي او یوه خصوصي شرکت ته د قراداد په ډول ورکړل شوي دي.
علاوه پر دې؛ د فراه ولایت په یوه لرې پرتې ولسوالۍ کې هم د ارزاقو امارتي شرکت پورې یو ټوټه ځمکه اړوندیږي، چې په سر یې یو پخوانی ګدام او د اداري خونې ودانۍ جوړه شوې ده.
ارزاقو امارتي شرکت د هېواد په ټولو ولایتونو کې پراخ جایدادونه لري، چې د اړوند ولایتونو مدیریتونه یې څارنه، کتنه او ساتنه کوي. د ارزاقو امارتي شرکت مسوولین په خپلو نه ستړي کیدونکو هلو ځلو کې هڅه کوي چې د ولس لپاره کاري سهولتونه رامنځته کړي. په دې لړ کې، غواړي خپل جایدادونه د سوداګریزو فعالیتونو لپاره وکاروي تر څو د هېواد اقتصاد وده وکړي.
