د کابل پولي تخنیک پوهنتون لیلیې ته ۱۲ قلمه خوراکي توکي ولېږدول شول
ارزاقو امارتي شرکت د خپلو بنسټیزو فعالیتونو، سوداګریزو چارو او د ۱۴۰۴ مالي کال د پلان له مخې؛ تېره ورځ د کابل پولي تخنیک پوهنتون لیلیې ته ۱۲ قلمه د اړتیا وړ خوراکي توکي لېږدولي دي.
د یاد شرکت د پروژو د تطبیق مدیر احمد سیفي وایي، چې دغه خوراکي توکي د یاد پوهنتون د مسوول د غوښتنې په پام کې نیولو سره برابر او لېږدول شوي دي.
نوموړي زیاتوي، چې په دغو خوراکي توکو کې؛ ۲۰۳۹۸ کیلوګرامه وریجې، ۵۶۴۲ کیلوګرامه مایع غوړي، ۱۶۸۰ کیلوګرامه لوبیا، ۲۸۰ کیلوګرامه لوی نخود، ۱۳۹۰ کیلوګرامه د خواړو مالګه، ۲۳۵۰ کیلوګرامه میده بوره، ۱۴۰ کیلوګرامه شین چای، ۴،۵ کیلوګرامه د چای هیل، ۲۶ کیلوګرامه زیره، ۴۳ کیلوګرامه د دیګ مساله، ۱۷ کیلوګرامه زرد چوبه او ۷۰۰ کیلوګرامه د بانجان رومیو رُب شامل دي.
سیفي وویل، چې یاد خوراکي توکي د دواړو لوري د کتنې پلاوي په شتون کې د کابل پولي تخنیک پوهنتون لیلیې مسوول ته وسپارل شول.
نوموړي دا هم څرګنده کړه، چې د لیلیې مسوول د ارزاقو امارتي شرکت له خدمتونو خوښي ښودلې او د دوی له فعالیتونو یې رضایت څرګند کړی دی.
د یادونې وړ ده، چې ارزاقو امارتي شرکت د هېواد په کچه د پوهنتونونو له لیلیو او یو شمېر نورو دولتي ادارو سره د شوي قرارداد له مخې؛ خوراکي توکي په منظمه توګه لېږدوي.
