د ارزاقو امارتي شرکت د اجرایوي کمېټې نوبتي غونډه جوړه شوه
د ارزاقو امارتي شرکت د اجرایوي کمېټې نوبتي غونډه ترسره شوه. دغه غونډه د شرکت د اجرائیوي رییس مولوي عبدالرازق رفیع په مشرۍ جوړه شوه.
په دې غونډه کې د مالي او اداري چارو رییس مولوي مطیعالله مجروح، د سوداګریزو چارو پراختیا رییس ، د تدارکاتو، املاکو، مالي، د پروژو د تطبیق، د کارکوونکو چارو او خدماتو آمرینو، همدارنګه د پلټنې او پلان مدیرانو ګډون کړی و. غونډه د قرآن کریم د څو مبارکو آیاتونو په تلاوت پیل شوه.
د غونډې په پیل کې د شرکت اجرائیوي رییس مولوي عبدالرازق رفیع خبرې وکړې او د شرکت د لاسته راوړنو، کاري پرمختګ او د ځینو ستونزو د حل په اړه یې اړوندو مسوولینو ته لازمې سپارښتنې وکړې.
ورپسې په غونډه کې د نویو موضوعاتو په اړه، چې په اجنډا کې ځای پر ځای شوې وې هر اړخیز بحث وشو. یادو موضوعګانو کې ډېری د تدارکاتو، املاکو، مالي او پروژوي برخې پورې تړاو لرلې، چې د کمېټې له لوري د تائید وړ وګرځېدې.
د غونډې په پای کې د اجرائیوي کمېټې مشر مولوي عبدالرازق رفیع د شرکت د کړنو د لا ښه والي او د خدمتونو د وړاندې کولو بهیر د پیاوړتیا پر اهمیت ټینګار وکړ. نوموړي وویل، چې د هر راز ستونزو د حل او رسېدنې په برخه کې باید کوټلي ګامونه پورته شي.
غونډه د مالي او اداري چارو رییس مولوي مطیع الله مجروح د دعایې په لوستلو سره پای ته ورسېده.
