د بادغیس ولایت د پوهاند غنضفر روغتیايي علومو انستیتوت ته ۱۸ قلمه خوراکي توکي ولېږدول شول
د امارتي شرکتونو لوی ریاست اړوند دارزاقو امارتي شرکت د خپلو بنسټیزو فعالیتونو او سوداګریز پلان له مخې؛ د بادغیس ولایت د پوهاند غضنفر روغتیايي علومو انیستیتوت ته د اړتیا وړ خوراکي توکي لېږدولي دي.
د بادغیس ولایت د ارزاقو مدیر محمد یوسفي په رالېږلي معلوماتو کې ویلي، چې تېره ورځ یې د عامې روغتیا ریاست اړوند د پوهاند غضنفر روغتیايي علومو انستیتوت ته ۱۸ قلمه خوراکي توکي لېږدولي دي.
یوسفي زیاته کړې، چې په دغو توکو کې وریجې، لوبیا، غوړي، د دیګ مساله، شین چای، وچې شیدې او نور اړین توکي شامل دي. د ده په وینا، یاد توکي د کتنې پلاوي په شتون کې د انستیتوت اړوند مسوول ته وسپارل شول.
د یادونې وړ ده، چې د ارزاقو امارتي شرکت له لوري د خوراکي توکو د لېږد او وېش بهیر د هېواد په کچه د دې شرکت د ولایتي مدیرانو له خوا په دوامداره توګه څارل او ارزول کېږي.
