د لغمان ارزاقو مدیر د دې ولایت د کار او ټولنیزو چارو ریاست اړوند روزنتون څخه لیدنه وکړه
د لغمان ولایت د ارزاقو مدیر وحیدالله الکوزي تېره ورځ د کار او ټولنیزو چارو ریاست اړوند روزنتون له بېلابېلو برخو څخه لیدنه وکړه او د روزنتون کاري فعالیتونه یې له نږدې و ارزول.
الکوزي وویل، چې د لیدنې پر مهال یې د خوراکي توکو د وېش بهیر، د خواړو کیفیت او کمیت او همدارنګه پخلنځی یې له نږدې وکتل. نوموړي د پاکوالي، نظم او د غوره فعالیتونو د ترسره کولو په اړه اړوندو مسوولینو ته یو لړ سپارښتنې هم وړاندې کړې.
هغه زیاته کړه، چې د روزنتون مسوول د ارزاقو امارتي شرکت د خدمتونو له کیفیت څخه خوښي څرګنده او د شرکت ټولو مسوولینو ته د لا بریاوو هیله وکړه.
دا په داسې حال کې ده، چې د ارزاقو امارتي شرکت مرکزي او ولایتي مسوولین تل هڅه کوي، څو خپلې اړوندې پروژې په شفاف ډول تطبیق او د ښه پرمختګ په موخه یې دوامداره څارنه او ارزونه ترسره کوي.
