د کابل پوهنتون، د معلوماتي او مخابراتي ټکنالوژۍ پوهنځي لیلیې ته ۱۱ قلمه خوراکي توکي ولېږدول شول
ارزاقو امارتي شرکت د خپلو بنسټیزو فعالیتونو، سوداګریز پلان او د ۱۴۰۴ مالي کال منظور شوي پلان پر بنسټ؛ یولس قلمه خوراکي توکي د کابل پوهنتون د معلوماتي او مخابراتي ټکنالوژۍ پوهنځي لیلیې ته لیږدولي دي.
د ارزاقو امارتي شرکت د پروژو د تطبیق آمر جان محمد عمري وویل، چې دغه د اړتیا وړ خوراکي توکي د کتنې پلاوي په شتون کې د یادې پوهنځي لیلیې اړوند مسوول ته وسپارل شول.
نوموړي زیاته کړه، چې په یادو خوراکي توکو کې؛ ۲۷۴۹.۵۰۰ کیلوګرامه وریجې، ۷۶۰.۵۰۰ کیلوګرامه مایع غوړي، ۲۱۰ کیلوګرامه لوبیا، ۳۵ کیلوګرامه نخود،۱۸۷ کیلوګرامه د خواړو مالګه، ۳۰۴ کیلوګرامه بوره، ۱۷.۵۵۰ کیلوګرامه شین چای، ۳.۵۱۰ کیلوګرامه زیره، ۵۸۵ ګرامه د چای هیل، ۵.۸۵۰ کیلوګرامه د دیګ مساله او ۲.۳۴۰ کیلوګرامه زردچوبه شامل دي.
د یادونې وړ ده، چې دغه شرکت دا مهال په مرکز او ولایتونو کې ګڼو دولتي روغتونونو، پوهنتونونو، روزنتونونو، دارالعلومونو او دیني مدرسو ته د شویو قراردادونو او اړتياوو له مخې؛ خوراکي توکي لېږدوي.
