د هرات ولايت د ملا علي القاري الهروي جامعې ته خوراکي توکي ولېږدول شول
د ارزاقو امارتي شرکت د سږني منظور شوي بنسټيزو فعاليتونو او سوداګريز پلان له مخې، وړمه ورځ د هرات ولايت د ملا علي القاري الهروي جامعې ته بېلابېل خوراکي توکي چې په کې مايع غوړي، وريځي او نور د اړتيا وړ مواد شامل دي، د ارزاقو امارتي شرکت د پروژو د پلي کېدو آمريت لخوا برابر او ولېږدول شول او د نوموړي جامعې مسوول شخص ته تسليم شول.
دا د ارزاقو امارتي شرکت له بنسټيزو اهدافو او خدمتونو څخه ګڼل کېږي، چې دولتي او غير دولتي ادارو ته پر وخت، با کيفيت او له بازاره په ټيټه بيه خوراکي او د اړتيا وړ توکي د کړو تړونونو له مخې پيري او ورسوي يې.
ياد امارتي شرکت هڅه کوي، چې خپلو هېوادوالو ته په سوداګريزو او همدارنګه د اقتصاد د ښه والي او پراختيا په برخو کې اغيزمن ګامونه پورته کړي.
#د نشراتو مديريت
