د ارزاقو امارتي شرکت لهخوا د کاپيسا البیروني پوهنتون لیلیې ته ۶ قلمه خوراکي توکي ولېږدول شول
د ارزاقو امارتي شرکت د بنسټیزو فعالیتونو، سوداګریز پلان او د ۱۴۰۴ هجري لمریز کال د مالي پلان له مخې؛ شپږ قلمه خوراکي توکي د کاپیسا ولایت البیروني پوهنتون لیلیې ته ولېږدول شول.
د کاپیسا د ارزاقو لوی مدیر قاري فریدون مصلح وویل، چې دغه خوراکي توکي د وږي میاشتې په ۵مه دکتنې پلاوي تر څارنې لاندې د پوهنتون اړوند مسوول ته وسپارل شول.
هغه زیاته کړه، چې په دې خوراکي توکو کې؛ ۲۸۸۰ کیلوګرامه سیله وریجې، ۶۷۵ کیلوګرامه مایع غوړي، ۱۹۲ کیلوګرامه رُب، ۱۵۰ کیلوګرامه اومه نخود، ۳۰۰ کیلوګرامه د خواړو مالګه او ۲۵۰ کیلوګرامه بوره شامل دي.
د یادونې وړ ده، چې ارزاقو امارتي شرکت هغو ادارو لپاره، چې ورسره قراردادونه لري، د خوراکي توکو د لېږد بهیر ګړندی کړی دی.
