د کابل کمپنۍ په سمیه کي د ارزاقو امارتي شرکت جایدادونه؛
د ارزاقو امارتي شرکت د جایدادونو او سوداګریزو پلانونو په لړ کې دا ځل د کابل پلازمینې د کمپنۍ د سیمې جایداد په اړه درنو لوستونکو ته معلومات وړاندې کوو؛
د ارزاقو امارتي شرکت د موجوده جایدادونو له ډلې یو له مهمو ملکیتونو څخه د کابل په ښار کې د پنځمې ناحیې لویدیځ لوري ته د کمپنۍ په سیمه کې 5887.9 متر مربع په اندازه ځمکه ده، چې د ارزاقوامارتي شرکت پورې تړلې.
د یادې ځمکې پر سر درې لسیزې وړاندې د شرکت اړوند ۸ بابه لوی زیرمتونونه (ګودامونه) په پخه او اساسي توګه جوړ شوي و. که څه هم د کورنیو جګړو له امله دغه ګودامونه ویجاړ شوي او یوازې د دیوالونو آثار يې پاتې دي؛ خو د تېرو نظامونو د واکمنۍ پرمهال له غضب څخه ژغورل شوي او د ارزاقو امارتي شرکت له ملکیتونو څخه حسابیږي.
د ارزاقو امارتي شرکت د یادې سیمې د ملکیت ساتنه او مدیریت پر غاړه لري. اوس مهال دغه ځمکه د سوداګریزو فعالیتونو او پلانونو په موخه د قرارداد پر اساس ورکول شوې ده، چې ګڼ شمېر هېوادوال د خرڅلاو توکو هټۍ او نورو عایداتي فعالیتونه پر مخ وړي.
د ارزاقو امارتي شرکت رهبري پلاوی په دې هڅه کې دی، چې د اساسي فعالیتونو ترڅنګ؛ ولس ته لا زیات کاري فرصتونه او خدمتونه برابر کړي او په دې توګه د هېواد اقتصاداو پرمختګ ته وده ورکړي.
ان شاء الله د دې هڅو په پایله کې موږ داسې ورځې ته د رسیدو هیله من یو، چې د ارزاقو امارتي شرکت په هېواد کې یو ځلولی نوم ولري او زموږ هېواد د ځان بسیاینې په لور روان شي.
