د ارزاقو امارتي شرکت د مدیره پلاوي غونډه جوړه شوه
د ارزاقو امارتي شرکت د مدیره پلاوي غونډه د دې شرکت د غونډو په خونه کې د مدیره پلاوي د رییس حمیدالله عبداللهي په مشرۍ ترسره شوه.
په یاده غونډه کې د سوداګرۍ وزارت استازي مولوي محمداجمل ادریس، د مدیره پلاوي غړو، د ارزاقو امارتي شرکت اجرائیوي رییس مولوي عبدالرازق رفیع، د سوداګریزو چارو رییس محمد امین صاحبزاده، د مالي او اداري چارو رییس مولوی مطیع الله مجروح او د مالي، تدارکاتو، سوداګریزو چارو د پراختیا، جایدادونو آمرینو او د پلان لوی مدیر ګډون کړی و.
غونډه د ټاکل شوې اجنډا له مخې ترسره شوه، چې په کې د شرکت د مرکزي کارکوونکو، ولایتي مدیرانو ستونزې او همدارنګه د شرکت پر فعالیتونو بحث ترسره شو. د غونډې ګډونوالو د موضوعاتو په اړه خپل نظریات وړاندې کړل او د پورتني موضوعاتو لپاره لازمې پرېکړې وشوې.
د ارزاقو امارتي شرکت اجرائیوي رییس مولوي عبدالرازق رفیع په غونډه کې د شرکت د روانو فعالیتونو، لاسته راوړنو او د اساسي او سوداګریزو پلانونو او موخو په اړه تفصیلي معلومات وړاندې کړل. همدارنګه نوموړي د چارو د لا ښه والي لپاره یو لړ وړاندیزونه او غوښتنې هم مطرح کړې، چې د مدیره پلاوي له خوا ورته د پاملرنې ډاډ ورکړل شو.
د غونډې په وروستۍ برخه کې د مدیره پلاوي رییس حمیدالله عبداللهي د شرکت د چارو د لا ښه پرمختګ په تړاو خپلې څرګندونې او وړاندیزونه وړاندې کړل. غونډه د دعايې په لوستلو پای ته ورسېده.
