د سرپل ولایت د ارزاقو مدیریت له لوري ۸ قلمه خوراکي توکي ولايتي روغتون ته ولېږدول شول؛
د ارزاقو امارتي شرکت د بنسټیزو فعالیتونو او د روان کال منظور شوي پلان له مخې؛ اته قلمه اړین خوراکي توکي د سرپل ولایت ولايتي روغتون ته انتقال شول.
د سرپل ولایت د ارزاقو مدیر فضل الدین امید د خوښۍ په څرګندولو وویل، چې په دغه ۸ قلمه خوراکي توکو کې ۱۴۰۰ کیلوګرام وریجې، ۱۲۰۰ کیلوګرام مایع غوړي، ۱۲۰۰ کیلوګرام لوبیا، ۵۰۰ کیلوګرام روب، ۵۰۰ کیلوګرام ميده بوره، ۵۰ کیلوګرام شین چای، ۳۰۰ کیلوګرام مالګه او ۶۰۰۰ دانې د چرګې هګۍ شاملې دي.
ښاغلي امید زیاته کړه، چې د یادو خوراکي توکو د انتقال او تسلیمۍ پر مهال د سرپل ولایت د ولايتي روغتون پلاوي شتون درلود.
د یادونې وړ ده، چې یاد روغتون ته تازه خوراکي توکي (سبزي او میوه باب) په ورځنۍ توګه انتقالیږي.
