ارزاقو امارتي شرکت؛
د ارزاقو امارتي شرکت د هېواد د اقتصادي ودې او پرمختګ لپاره بنسټیز او سوداګریز فعالیتونه ترسره کوي، دا شرکت نه یوازې دولتي او نا دولتي ادارو ته د اړتیا وړ خوراکي توکي د رسولو او وېش پروسه تنظیموي؛ بلکې د هېواد د اقتصادي وضعیت د ښه کولو او پیاوړتیا کې اغېزمنه ونډه هم لري.
د ارزاقو امارتي شرکت په هېواد کې د خوراکي توکو د ویش یوازینۍ معتبره او د ډاډ وړ سرچینه ده. ځکه دغه شرکت د اړتیا وړ خوراکي توکو په برابرولو، تنظیمولو او ویش کې هېوادوالو ته کاري فرصتونه رامنځته کوي او په دې توګه د سوکالۍ، هوساینې او اقتصادي پرمختګ لپاره نوي لارې پرانیزي.
