د ارزاقو امارتي شرکت د اجرایوي کمېټې نوبتي ناسته ترسره شوه
د ارزاقو امارتي شرکت د اجرایوي کمېټې نوبتي ناسته وړمه ورځ ترسره شوه. یاده ناسته د شرکت د اجرائیوي رییس مولوي عبدالرازق رفیع په مشرۍ جوړه شوې وه.
په دې ناسته کې د مالي او اداري چارو رییس مولوي مطیعالله مجروح، د سوداګریزو چارو پراختیا رییس مولوي نیک محمد معتصم، د تدارکاتو، املاکو، مالي، د پروژو د تطبیق، د کارکوونکو چارو او خدماتو آمرینو همدارنګه د دعوت او ارشاد، کنټرول، پلټنې او پلان مدیرانو ګډون کړی و. ناسته د قرآن کریم د څو مبارکو آیاتونو په تلاوت پیل شوه.
د ناستې په پیل کې د شرکت اجرائيوي رییس مولوي عبدالرازق رفیع خبرې وکړې وې ویل، چې زموږ د ټولېدنې اصلي موخه د شرکت په فعالیتونو کې پرمختګ، د کار د ښه والي او د یو بل نظرونو اورېدل دي، چې وکولای شو د لا غوره خدمتونو وړاندې کولو ته لاره هواره کړو.
ورپسې د اجنډا له مخې پر نویو موضوعاتو باندې خبرې وشوې. په یاده ناسته کې د شرکت د جایدادونو پر تړاو، د چارو د پرمخ وړلو، امارتي ادارو سره د تړون په څرنګوالي، په ولایتي او مرکزي دفترونو کې د سهولتونو په رامنځته کولو او د ستونزو د هواري لپاره یو لړ موضوعات د جر او بحث لاندې ونیول شول.
په دې ناسته کې د اجنډا له څنډې زیاتره هغه موضوع ګانې چې د شرکت د بنسټیزو کاري له لومړیتوبونو څخه دي، د اجرایوي کمېټې له لوري د تأیید وړ وګرځېدې.
د غونډې په پای کې د اجرائیوي کمېټې مشر مولوي عبدالرازق رفیع او د سوداګریزو چارو د پراختیا رییس مولوي سید نیک محمد معتصم د شرکت په فعالیتونو او د خدمتونو د وړاندې کولو بهیر د چټکولو او پیاوړي کولو باندې ټینګار وکړل او په ځینو برخو کې یو لړ سپارښتنې هم وړاندې کړې. ناسته د دعا په لوستلو سره پای ته ورسېده.
