د بامیان پوهنتون لیلیې ته لس قلمه خوراکي توکی ولېږدول شول
د امارتي شرکتونو لوی ریاست اړوند د ارزاقو امارتي شرکت د خپلو بنسټیزو فعالیتونو او سوداګریز پلان له مخې؛ د تېرې اوونۍ په وروستیو کې د بامیان پوهنتون لیلیې ته لس قلمه خوراکي توکي ولېږدول.
د بامیان ولایت د ارزاقو لوی مدیر نعمتالله رحمتي په رالېږلي معلوماتو کې ویلي، چې په یادو خوراکي توکو کې ۳۳۵۴ کیلوګرامه وریجې، ۶۰۹ کیلوګرامه لوبیا، ۴۳۶ کیلوګرامه بوره، ۸۱.۹ کیلوګرامه نخود، ۱۶۷.۷ کیلوګرامه د رومیانو رُب، ۶.۷ کیلوګرامه آیوډین لرونکې مالګه، ۱۱.۷ کیلوګرامه وچې شیدې، ۱.۳۳ کیلوګرامه د چای هیل، ۵ کیلوګرامه زیره او ۸.۳۸ کیلوګرامه د دیګ مساله شامل دي. نوموړي زیاته کړې، چې یاد خوراکي توکي د کتنې پلاوي په شتون کې د بامیان پوهنتون اړوند مسوول ته وسپارل شول. د یادونې وړ ده، چې د ارزاقو امارتي شرکت له لوري د خوراکي توکو د لېږد او وېش بهیر د هېواد په کچه د دغه شرکت د ولایتي مسوولینو له خوا په دوامداره توګه څارل او ارزول کېږي.
