د بلخ ولایت د ارزاقو لوی مدیر د کار او ټولنیزو چارو ریاست اړوند د نجونو روزنتون وڅارنه؛
د بلخ ولایت د ارزاقو لوی مدیر ښاغلی محمدکاظم مهدي یار وویل، چې تېره اوونۍ یې د دې ولایت د کار او ټولنیزو چارو ریاست اړوند د نجونو له روزنتون څخه لیدنه او څاره وکړه. نوموړي د دې لیدنې موخه د پخو شویو خوړو د وېش بهیر څارنه وبلله.
ښاغلي مهدي یار زیاته کړه: مخکې په یاد روزنتون کې د نجونو شمېر لږ ؤ او د هغوی د خوړو اړتیا له نارینه وو څانګې څخه پوره کېده؛ خو اوس مهال د نجونو شمېر نږدې ۵۰ تنو ته رسېدلی، د شرکت په مرسته مستقل پخلنځی د ټولو اړینو وسایلو سره جوړ شوی دی. سربېره پردې یو مسلکي آشپز او د هغه یو مرستهکوونکی هم دې برخې ته ګمارل شوي دي.
نوموړي ډاډ ورکړ، چې د نجونو څانګې لپاره د خوراکي توکو لېږد په ښه توګه روان دی او تر دې دمه یې په دې برخه کې هېڅ ډول ستونزه یا شکایت نهدی شوې.
د بلخ ولایت د ارزاقو د مسئولینو په وینا؛د خوراکي توکو د لېږدونې بهیر باندې هره اوونۍ څارنه کېږي، تر څو ډاډ ترلاسه شي، چې توکي په سمه توګه وېشل کېږي.
