د روژې مبارکې میاشتې په مناسبت د قرآن عظيم الشان ختم وشو؛
د ارزاقو امارتي شرکت مسوولينو او اداري کارکوونکو د روژې مبارکې میاشتې په مناسبت د قرآن عظيم الشان ختم ترسره کړ.
د قرآن عظيم الشان د ختم ځلانده مراسم چې د ارزاقو امارتي شرکت په جومات کې جوړ شوي و، د ياد شرکت اجراٸيوي رييس مولوي عبدالرازق رفيع په ګډون، د مالي او اداري چارو رييس مولوي مطيع الله مجروح او د بيلا بېلو برخو آمرينو، مديرانو او خدماتي کارکوونکو هم برخه وال وو.
د قران عظيم الشان د نوراني ختم په مراسمو کې د ګران هېواد افغانستان د آبادۍ، ښېرازۍ او پرمختګ او همدارنګه د هېوادوالو د اقتصادي ستونزو حل او د اسلامي نظام د بقاء او پايښت لپاره لاسونه لپه او دعاګانې وشوې.
د ويلو ده، چې هرکال د رمضان المبارک د مياشتې په ٢٧مه د ارزاقو امارتي شرکت له لورې د قرآن عظيم الشان ختم ترسره کېږي.
