د هرات ولایت د ارزاقو مدیریت اړوند د جایدادونو د ساتنې او مراقبت په موخه یوه ګډ پلاوي شینډنډ ولسوالۍ ته سفر وکړ؛
د هرات د ارزاقو مدیر ښاغلی نعمت الله وايي، چې په دې سفر کې د ولایت مقام، کرنې، مستوفيت، اراضي او د فرمانونو د څارنې او تعقیب ریاستونو استازو او همداراز د هرات ولایت د ارزاقو د املاکو مدیر شینډنډ ولسوالۍ ته د دې مدیریت اړوند جایدادونو په اړه د رامنځته شوې ستونزې د حل او د ساتنې او مراقبت په موخه سفر وکړ.
نوموړی زیاتوي، چې په شینډنډ ولسوالۍ کې د ارزاقو امارتي شرکت اړوند جایداد به د ګډ پلاوي په شتون کې د رامنځته شوې ستونزې ته د حل لارې وکتل شي. ده ډاډ څرګند کړ، چې یاده موضوع به د ګډ پلاوي په هلو ځلو هواره شي او د جایداد ساتنه او مراقبت به د نوموړي شرکت له لوري ترسره کیږي.
د یادوونې وړ ده، چي د ارزاقو امارتي شرکت په دوامدار توګه د اړوندو جایدادونو څخه په مرکز او ولایتونو کي څارنه او نظارت تر سره کوي.
