ارزاقو امارتي شرکت د سمنګان پوهنتون لیلیې ته ۱۳ قلمه خوراکي توکي ولېږدول
تېره ورځ د سمنګانو ولایت د ارزاقو مدیریت له لوري د دې ولایت د پوهنتون لیلیې ته ۱۳ قلمه اړین خوراکي توکي ولېږدول شول.
د سمنګانو ولایت د ارزاقو مدیر محمدجان فایز په رالېږلي معلوماتو کې ویلي دي، چې په دغو خوراکي توکو کې ۱۳۸۸ کیلوګرامه وریجې، ۵۲۰ کیلوګرامه غوړي، ۲۸۶ کیلوګرامه لوبیا، ۱۵.۶۸ کیلوګرامه خام نخود، ۱۰.۴ کیلوګرامه شین چای، ۲ کیلوګرامه رنګ شیرین، ۲ کیلوګرامه کورکمن، ۲.۸۳ کیلوګرامه زیره، ۳.۴ کیلوګرامه د قورمې مساله، ۶۹.۴ کیلوګرامه رُب، ۱۷۳ کیلوګرامه بوره، ۲ کیلوګرامه د دیګ مساله او ۵۵۵ ګرامه د چای هیل شامل دي.
د نوموړي په وینا؛ یاد خوراکي توکي د سمنګان ولایت پوهنتون لیلیې محصلینو او استادانو د اړتیا پوره کولو په موخه لېږدولي او اړوند مسوول ته په رسمي توګه سپارلي دي.
د یادونې وړ ده، چې د امارتي شرکتونو لوی ریاست اړوند د ارزاقو امارتي شرکت له لوري د خوراکي توکو د لېږد او وېش بهیر د هېواد په کچه د دغه شرکت د ولایتي مسوولینو له خوا په دوامداره توګه څارل او ارزول کېږي.
